25 Qer
Njoftimi me telefon se një bombë është vendosur në Ministrinë e Ekonomisë ka vënë në lëvizje të gjithë policinë
Burimi:
Evropa e Lire
Një dite pas sulmit me bombe ne zyrat e Ministrisë se Brendshme, qe i mori jetën një ndihmësi te afërt te ministrit dhe ende pa e marre veten nga ngjarja shokuese, Athina është vene serish ne alarm. Njoftimi i bere me telefon nga persona të panjohur se një bombë është vendosur në Ministrinë e Ekonomisë ka vënë në lëvizje gjithë policinë greke. Menjëherë autoritetet kane evakuuar ndërtesën, ndërsa kane nisur kontrollet dhe verifikimet e nevojshme. Policia greke është vene ne gatishmëri maksimale pas sulmit te ndodhur pasditen e se enjten ne zyrat e ministrit, përgjegjësinë për të cilin nuk e ka marrë ende askush, ndërsa autoritetet kane nisur menjëherë hetimet, me dyshimet e para qe bien mbi grupet ekstremiste qe veprojnë ne Athinë.