Ohër: Moti jo i mirë, pak turistë

Dhjetëra qiradhënës të banesave në rrugën kryesore të Ohrit, bulevardin “Turistiçka” me mbishkrime se japin dhoma dhe apartamente me qera presin mysafirët e tyre. Por thonë se deri tani situata nuk është e mirë. Nuk ka turistë. Qiradhënësit ofrojnë akomodim prej 300 deri 400 denarë për krevat.
“Është dobët. Nuk ka vizitorë. Jemi të detyruar të bëjmë këtë hap, sepse populli nuk ka para, askush nuk shkon në punë, për shkak të krizës së madhe”, thotë një qiradhënës.
“Dal këtu prej tre ditësh dhe askush deri tani nuk u ndal, vetëm dy – tre persona. Për dallim nga viti i kaluar këtë vit është dobët”, ankohet një qiradhënës tjetër.
Por përfaqësuesit e agjencive turistike vlerësojnë se ky sezon, do të jetë në të njëjtin nivel si vitin e kaluar. Presin që Ohri të mbushet me ngrohjen e kohës.