Norvegji, pranga 3 të dyshuarve për lidhje me al-Kaedën

Oslo - Policia e norvegjeze njoftoi sot arrestimin e tre personave të dyshuar për lidhje me rrjetin terrorist Al-Kaeda. Të arrestuarit janë të dyshuar për planifikime sulmesh dhe për kontakte me njerëz, që gjenden nën hetime në Shtetet e Bashkuara dhe në Britani.
"Policia e sigurisë publike arrestoi tre persona të dyshuar për përgatitjen e akteve terroriste'', njoftoi policia norvegjeze e sigurisë publike (PST).

Më tej, theksohet se “ky grup ka pasur lidhje me njerëzit jashtë, që mund të jenë të ndërlidhur me Al-Kaedën, dhe me njerëzit e përfshirë në hetime në vendet e tjera, përfshirë edhe Shtetet e Bashkuara dhe Britaninë”.