Në deklaratën e tij për gazetën "Corriere della Sera", Presidenti Obama, Turqinë e cilësoi si "një vend ku prehen Lindja dhe Perëndimi dhe si një vend shumë të rëndësishëm nga pikëpamja strategjike".
Kur gazetari i rikujtoi debatet që zhvillohen në Perëndim se "jemi duke e humbur Turqinë" Presidenti amerikan bëri këtë vlerësim: "Turqia është një vend që është anëtare e NATO-s me një ekonomi që tregon rritje të madhe. Turqia me një popullsi me shumicë myslimane dhe me një strukturë demokratike të shtetit paraqet një model edhe nga pikëpamja e vendeve tjera islame të rajonit. Për këtë arsye konsiderojmë që zhvillimi i marrëdhënieve me Ankaranë është i rëndësishëm".
Obama theksoi se Turqia duhet të jetë anëtare e plotë e BE-së, ndërsa tha se "është e natyrshme që në qoftë se populli turk nuk e ndjen veten si pjesë e familjes evropiane të shikoj në drejtim tjetër nga pikëpamja e aleancës dhe lidhjeve".
Ndërsa pyetjes lidhur me dallimet në qasjet e Turqisë dhe SHBA në çështjen e programit nuklear të Iranit Obama u përgjigj: "Mendoj se gjërat e pakëndshme të jetuara në çështjen e iniciativës për ndërmjetësim në lidhje me programin nuklear të Iranit vijnë nga dëshira e Ankarasë për të mos patur ndonjë luftë në rajon, pasi Turqia ka një vijë të gjatë kufitare me Iranin. Këtu mund të ketë luajtur rol edhe dëshira për të treguar fuqinë me Brazilin që është një fuqi tjetër në rritje"./trt/start/
Fri Jul 09, 2010 10:46 pm