Turqi: Eksporti në qershor rritet me 13,2%

Sipas
të dhënave të Asamblesë së Eksportuesve të Turqisë në qershor eksporti
është rritur 13,2% në krahasim me të njëjtën periudhë të vitit të kaluar
duke kapur shifrën 9 miliardë e 173 milionë dollarë.



Asambleja e Eksportuesve të Turqisë (TİM) publikoi në qytetin
industrial Koxhaeli (Kocaeli) shifrat e eksportit për muajin qershor
2010.

Sipas të dhënave të TİM eksporti i muajit qershor është rritur 13,2%
në krahasim me të njëjtin muaj të vitit të kaluar dhe është realizuar me
9 miliardë 173 milionë dollarë.

Në 6 muajt e parë të vitit Turqia ka bërë 53 miliardë e 345 milionë
dollarë eksport, kurse për 12 muajt e fundit eksporti është 106 miliardë
e 544 milionë dollarë.

Pjesën më të madhe në eksportin e muajin qershor e zuri sektori
automobilistik me 1 miliardë e 369 milionë dollarë, i ndjekur nga
sektori i veshjeve të gatshme (fasoneve) me 1 miliardë e 174 milionë
dollarë dhe sektori i hekur-çelikut me 1 miliardë e 65 milionë dollarë.

Presidenti i Asamblesë së Eksportuesve të Turqisë, Mehmet Byjykekshi
(Mehmet Büyükekşi) tha se shifrat e fundit të eksportit tregojnë që
rritja ekonomike do të vazhdojë edhe në gjysmën e dytë të vitit.

| 01.07.2010


][