INSTAT: Eksporti i Shqipërisë rritet me 114 %

Tiranë
– Rritja e eksporteve gjatë pjesës së parë të vitit 2010 ka zbutur
ndjeshëm deficitin tregtar të vendit tonë.

INSTAT bën të ditur se në muajin maj, deficiti
tregtar ishte 23,8 për qind, duke shënuar një ulje prej 7.6 përqindësh
krahasuar me muajin prill, dhe një ulje prej 19.2 përqindësh krahasuar
me majin e vitit 2009.

Sektori i energjisë elektrike dhe
minerale ka ndikimin më të madh në uljen e deficitit, pasi eksportimi i
tyre ka arritur në nivele të konsiderueshme. Të dhënat flasin se
eksporti i grupit “Minerale, lëndë djegëse, energji elektrike” u rrit me
163 për qind, krahasuar me muajin prill 2010.

Sipas KESH-it,
eksporti i energjisë ka kapur majat e rekordit, në rreth 75 milionë euro
në 6 muaj aktivitet, ndërsa mineralet janë duke përfituar nga rritja e
çmimeve në tregjet e huaja.