Vjenë – Në aeroportin e kryeqytetit austriak sot u shkëmbyen spiunët mes Rusisë dhë SHBA-së. Shkëmbimi u krye menjëherë pas mbërritjes së avionit amerikan me 10 agjentët që spiunonin tek Rusia si dhe avionit rus me katër të dënuar për spiunim tek SHBA-të.
"Shtetasit rusë të arrestuar në SHBA ndodhen në bordin e një avioni të nisur nga Vjena drejt Rusisë", deklaroi një zyrtar i shërbimeve sekrete ruse, pa bërë publik identitetin e tij.
Nga ana tjetër zëdhënësi i Departamentit të Shtetit, Mark Toner, deklaroi se Shtetet e Bashkuara "i shkëmbyen spiunët me Rusinë për motive të sigurisë kombëtare dhe për arsye humanitare. Dhjetë agjentët rusë nuk kanë asnjë interes strategjik për Uashingtonin".
"U vendos se një vendim i shpejtë dhe global për këtë çështje duhej gjetur për arsye sigurie kombëtare dhe humanitare. Mbajtja gjatë pas hekurave e dhjetë agjentëve nuk do të kishte shërbyer për interesin kombëtar", theksoi Toner.
Fri Jul 09, 2010 10:49 pm