Ylli i muzikës hip-hop, Snoop Dogg, ka performuar në orët e vona të së shtunës para publikut të Kosovës duke argëtuar fansat për po thuajse dy orë. Koncerti, i organizuar nga kompania telefonike Z-Mobile, mblodhi më se 10 mijë fansa të muzikës hip-hop në Stadiumin e Prishtinës.
“Yjet gjithmonë vonohen”, thotë një fjalë e urtë. Edhe pse u prit të dalë në skenë në ora 21, Snoop doli me dy orë vonesë, por shpërtheu publikun duke kënduar disa prej hiteve të tij si, “Drop it like it’s hot”, “Beautiful”, “Next Episode”, “Gin and Juice” e “Lay Low”.
Ndërkohë publiku fillimisht është nxehur me muzikën e yjeve të muzikës kosovare, si Dafina Zeqiri, Tuna, Jericho, Real One, Dj Blunt, dhe të tjerë, të cilët u munduan ruajnë adrenalinën e lartë të publikut deri në arritjen e Snoop Dogg, edhe pse kishte edhe një periudhë të gjatë qetësie deri në ardhjen e reperit, kur publiku filloi ca të mërzitej. /Jaser Veseli/
Mon Jul 12, 2010 1:18 am