Meta: Statusi dhe kufijtë e Kosovës janë të pakthyeshëm

Tiranë –
Zëvendëskryeministri dhe ministri i Jashtëm, Ilir Meta rikonfirmon se Shqipëria
mbështet fuqishëm shtetin e pavarur e sovran të Kosovës dhe integritetin e tij
territorial.
Sipas kryediplomatit shqiptar, statusi i Kosovës dhe kufijtë e
saj janë çështje të mbyllura përfundimisht dhe të pakthyeshme. “Idetë për ndarje
të Kosovës apo shkëmbim territoresh përbëjnë një rrezik serioz për paqen,
sigurinë dhe stabilitetin, jo vetëm në Kosovë, por në tërë rajonin tonë e më
gjerë”, deklaron z. Meta.

“Shpreh bindjen se rruga për realizimin e
aspiratës sonë të përbashkët evropiane dhe euroatlantike kalon vetëm përmes
respektimit të plotë të kufijve ekzistues, tërësisë territoriale të
njëri-tjetrit, si dhe përmes forcimit të bashkëpunimit rajonal”, shprehet
ministri i Jashtëm, Ilir Meta.