Ekspozitë e artit kosovar në Muzeun Kombëtar

Tre
artistë të rinj nga Kosova sjellin konceptimet dhe ngacmimet e tyre
artistike në një ekspozitë në pikturë, skulpturë dhe instalacione, të
çelur në mjediset e Muzeut Historik Kombëtar në Tiranë.

Faton Aliu, Arafat Hasani dhe Milot Mustafa
prezantohen në ekspozitën “Hec e hec e hec…” me 30 punime në pikturë,
skulpturë dhe instilacione. “Pas shumë ekspozitash që kemi hapur në
vende të ndryshme, si në Britaninë e Madhe etj., menduam që të hapim
edhe një ekspozitë në Tiranë”, shprehet skulptori Milot Mustafa, i cili
vjen për herë të dytë në kryeqytet me një ekspozitë.

Kurse
piktori Faton Aliu ka sjellë 15 piktura në vaj, me peizazhe universale
nga planeti dhe universi. Duke folur për planet për të ardhmen, artistët
e rinj kosovarë shprehen se në fund të muajit dhjetor do të çelin një
tjetër ekspozitë në Suedi. Ekspozita “Hec e hec e hec...” do të qëndrojë
e hapur deri në 30 qershor.