I arrestojnë vëllain për dezertim, terrorizon banorët me kallashnikov

28
Qer



Policia
është vënë në kërkim të autorit, Eduart Avdia, 30 vjeç me banim në
lagjen e Çamëve në periferi të Elbasanit.

Një
30-vjeçar me banim në lagjen e Çamëve në Elbasan ka terrorizuar banorët
dhe udhëtarët e rrugës nacionale Elbasan-Cërrik me breshëri
kallashnikovi dhe më pas është fshehur në pyllin aty pranë. Policia
është vënë në kërkim të autorit. Eduart Avdia 30 vjeç me banim në lagjen
e Çamëve në periferi të Elbasanit ka terrorizuar banorët dhe udhëtarët e
rrugës nacionale Elbasan-Cërrik me breshëri kallashnikovi. Fillimisht u
dyshua se 30-vjeçari kishte dalë për të grabitur në rrugë, por më pas
version i policisë ka ndryshuar. Sipas të dhënave në vendngjarje, Eduart
Avdia ka dalë në rrugën nacionale Elbasan-Cërrik me një kallashnikov
dhe ka qëlluar disa herë në ajër. Banorët dhe kalimtarët e terrorizuar
kanë njoftuar policinë, e cila ka shkuar menjëherë në vendngjarje.
Dyshohet se autori është fshehur në pyllin aty pranë dhe policia është
vënë në kërkim e ndihmuar edhe nga qeni i kufirit. Fillimisht është
dyshuar për grabitje, por policia e hodhi poshtë këtë version dhe sipas
uniformave blu Eduart Avdia ka filluar të qëllojë në ajër, në shenjë
hakmarrje për shkak të arrestimit të vëllait të tij Florind Avdia, i
cili ishte arrestuar 10 minuta më parë pasi ishte dënuar nga Gjykata për
dezertim nga ushtria. Megjithatë çështja është nën hetim.
















Burimi:



Klan