Lushnje, ekzekutohet me silenciator një 27-vjeçar

Lushnje – Një ngjarje e rëndë u regjistrua mesnatën e kaluar në qytetin e Lushnjës, ku është qëlluar për vdekje me armë zjarri një 27-vjeçar.
Policia e Lushnjës bën të ditur se viktima është Gerti Lala, i cili është qëlluar me një pistoletë me silenciator në lagjen “Skënder Libohova”, në vendin e quajtur “Ypsiloni”.

I riu ka ndërruar jetë si pasojë e plagëve të marra, para se të merrte ndihmën e parë të mjekëve. Policia ka nisur hetimet për zbardhjen e motiveve të vrasjes dhe autorëve të saj, të cilat për momentin mbeten ende mister.