Shkodër, ekzekutohet pranë banesës së tij një 62-vjeçar

Shkodër – Një vrasje ka ndodhur sot në fshatin Kasnec të komunës së Pultit në Shkodër, ku i vdekur ka mbetur një 62-vjeçar pranë banesës së tij.
Policia e Shkodrës bën të ditur se viktima është Ndoc Prroj (Vata), dhe nga hetimet e para rezulton se ngjarja ka ndodhur për motive të dobëta.

Pas veprimeve të para hetimore policia ka identifikuar autorin e dyshuar të krimit, i cili është 23 vjeçari Gjokë Çukaj, lindur dhe banues në Pult. Ndërkohë që po punohet për kapjen e tij.

Sipas policisë, materialet hetimore në ngarkim të shtetasit Gjoke Çukaj do t’i kalojnë Prokurorisë së Rrethit Gjyqësor Shkodër, për veprën penale "vrasje me dashje" dhe "armëmbajtje pa leje".